مرحبا
جيتكم ومعاي الطريقة اللي ألفتها لعيون عشاق التشيز
في البداية بسكويت دايجستيف مطحون مع مقدار من الزبدة حسب الرغبة
يفرش في قاع الصينية ونغلف الجدار بطريقة الكاسة مثل ماهو واضح بالصورة
والزايد من الجدران يمكن نشيله
وبكذا نكون انتهينا من المرحلة الاولى
ملاحظة : قد سويت البسكويت بدون اي زبدة فقط طحنته وفرشت فيه قاع الصينية بدون الجدران لأنه ماراح يلزق بالجدار بدون زبدة وطلعت النتيجة حليوة ما تفتت كثير لانه يجلس بالفرن ساعة ورطوبة الخلطة تساعد على تماسكه
..............
نضع في خلاط الكأس هذي المقادير
علبتين زباادي وملعقة كبيرة ونص نشا أو دقيق ابيض << نفس النتيجة ( هذا بدل صاع اللبنة خخخخ)
بيضتين
فانيليا وقليل جدا من بشر الليمون
8 حبات كيري ولو خليتيها عشر مهيب شينه << عشر افضل ( هذا بدل 24 حبة كيري او نص كيلو فيلادلفيا)
كاس سكر << عاد هذا ما عرفنا نحلها ونخليه دايت هع هع بس ممكن تخلين نصفه سكر رجيم (ما جربت)
كاس حليب ناشف ( بدل القشطة وكريمة الخفق )
ملح ليمون نصف ملعقة صغيرة ( ممكن تزيدين حسب الرغبة في درجة الحموضة)
جميع ما سبق في الخلاط الين يقول آآمين
خمس دقايق على الاقل ثم نصبه في الصينية
نغلف الصينية اذا كانت تنفك بقصدير لاننا بنحط الصينية بحمام مائي وندخلها الفرن
تقريبا ساعة لكن راقبوها يمكن اقل وعلامات الاستواء تنتفخ مثل الكيك ونسوي لها اختبار بغرس عود خشب ونعرف
هي مازالت سايلة او استوت
ونحمرها من فوق
وهذا شكلها بعد الفرن مباشرة
ننتظر عليها ربع أو نصف ساعة الين يهبط السطح
صوص الوجه عبارة عن :
كاس او زيادة شوي عصير فراولة طازج (ندى او المراعي)
ملعقة صغيرة نشا مذوبة في قليل من الماء << لتسيهل امتزاجها مع العصير فقط
ملعقة كبيرة مربى فراولة
توضع على النار حتى تغلي وممكن نختبر ثخونتها ببوضع قطرات في صحن وناخذ ببالنا انه حار وبيثقل شوي لو دخل الثلاجة (يمكن يحتاج نعدل اما زيادة عصير اونشا أو مدة الطبخ حتى نصل للثقل المرغوب )
لكن عموما هذا المقدار يضبط بإذن الله
وهنا بعد ما صبينا الصوص عليه وبرد وفكينا الصينية
وهنا بعد ما قطعناها
اتمنى اول مشاركة لي تضبط معاكم وينال على اعجابكم ورضاكم
وهذي بعد التقطيع ممكن تقطعيها شرايح مستطيلة او مثلثة
سموا
وبالعافية على قليباتكم
موضوع: حلا التشيز كيك الرشاقه 
